“XOGA E CREA CON MIGALLAS” é un obradoiro impartido por Migallas Teatro e organizado pola Concellerías de Cultura e de Normalización Lingüística do Concello de Pontevedra e a Asociación de Veciños O Mirador co fin de promover a expresión dramática, plástica e musical e a práctica dos xogos tradicionais entre a infancia creando un espazo de socialización en galego.
Lugar
Centro Cultural de Monte Porreiro situado na rúa de Alemaña, 50 de Monte Porreiro – Pontevedra.
Idades
Nenas e nenos de 5 a 7 anos
Número de participantes
20 participantes
Horario
Os martes lectivos das 18.00 h ás 19.30 h
Duración
10 sesións de xaneiro a abril de 2025
Prezo
40 € por todo o obradoiro, co material incluído
Comezo
28 de xaneiro de 2025
Preinscrición
Do 21 ao 23 de xaneiro enviando un correo electrónico ao enderezo migallas@migallas.gal co nome e apelidos da nena ou neno solicitante, un teléfono de contacto e o domicilio ou achegando estes mesmos datos de forma presencial ao Centro Cultural de Monte Porreiro eses mesmos días entre as 18.00 h e as 20.00 h.
As prazas non se adxudicarán por orde de entrega da solicitude. No caso de que haxa máis solicitudes que prazas ofertadas, terán prioridade as nenas e nenos residentes en Monte Porreiro. Se estes tamén superasen o número de prazas ou ben para adxudicar o resto das prazas, faríase un sorteo público. A formalización da inscrición e o pago da cota realizarase cando comece a actividade.
