Que viva o galego!
“Que viva o galego!” é un espectáculo de rúa dirixido a público familiar que pode ser itinerante ou desenvolverse nunha praza ou parque. O público verase mergullado nunha aventura na que terá que superar varias probas de xeito cooperativo relacionadas coa lingua galega co fin de atopar a solución a un grave problema: o esmorecemento do galego.
Con cada proba superada, as persoas participantes conseguirán unha pista que as encamiñará cara á solución.
As probas combinan o xogo físico e o xogo intelectual:
- Carreiras de remudas con ditos tradicionais
- Saltos de casas con adiviñas
- Cancións galegas tradicionais e actuais
- Trabalinguas e refráns
- Xogos de roda en galego
- Preguntas sobre escritoras e escritores da zona e sobre a súa obra literaria
- Bailes colectivos
- Xogos tradicionais adaptados para aprender palabras de diferentes campos semánticos…
Ao final do espectáculo, o público xuntará todas as pistas conseguidas e descubrirá por fin a solución para que o galego siga vivo.
Guión e dirección: María Campos e Carlos Yus.
Elenco:
Actores e actrices:
- María Campos
- Carlos Yus
2 persoas técnicas
- Música: música e cancións tradicionais
- Escenografía: Carlos Yus
- Vestiario: María Campos
- Duración: 1 hora e 30 minutos
- Tempo de montaxe: 2 horas
- Tempo de desmontaxe: 1 hora
- Espazo: praza, parque ou rúas sen tráfico de vehículos e sen contaminación acústica (música de atraccións, de tráfico, de probas de son…)
