Os soños de Anisia e Neira Vilas

“Os soños de Anisia e Neira Vilas” é un espectáculo de narración oral, monicreques, teatro e cancións dirixido a público infantil e familiar ideal para coñecer as vidas e as obras dedicadas á infancia de Anisia Miranda e de Xosé Neira Vilas e mais fomentar a lectura destas.

“Espantallo amigo”, “O cabaliño de buxo”, “A marela Tarabela”, de Neira Vilas, “Os contos do Compay Grilo”, “A ra que perdeu o seu charco”, de Anisia Miranda ou “Cantarolas”, de ambos os dous, son algúns dos libros que acompañan o percorrido polas vidas destes escritores, editores e difusores infatigables da cultura galega.

Cancións como “Pan de millo”, “O espantallo divertido”, “Corre, corre, meu cabalo”, “A vaca marela” ou “Cantarola dos nenos” fomentan a participación do público ao longo de todo o espectáculo e contribúen a espertar nel o interese por coñecer e ler as obras de Anisia e de Neira Vilas.

• Idioma: galego
• Público preferente: infantil e familiar
• Xénero: narración oral e canción infantil