‘Que viva o galego!’ en Val do Dubra

“Que viva o galego!” é un espectáculo de rúa dirixido a público familiar que pode ser itinerante ou desenvolverse nunha praza ou parque. O público verase mergullado nunha aventura na que terá que superar varias probas de xeito cooperativo relacionadas coa lingua galega co fin de atopar a solución a un grave problema: o esmorecemento do galego.