- Este evento pasou.
“Falemos como galegas” é un espectáculo humorístico interactivo dirixido á mocidade e ás persoas adultas onde se abordan, entre outras cuestións, os falsos tópicos e os prexuízos máis comúns sobre a lingua galega. Cada función é unha invitación amena e divertida a reflexionar sobre a historia, a actualidade e o futuro do galego, co obxectivo de fomentar o seu uso normalizado entre as galegas e galegos de todas as idades.
María Campos e Carlos Yus danlle vida a un feixe de personaxes entre os que se atopa a popular Sra. de Palmírez, coñecida polas súas intervencións no programa Luar da TVG e toda unha icona do “castrapismo”.
