Camiño de historias

“Camiño de historias” é un espectáculo constituído por tres historias de tradición oral procedentes de diversos países de fala portuguesa que abordan dunha maneira amena e divertida cuestións como a interculturalidade e os dereitos humanos.

En cada unha das historias o público ten que atopar unha palabra, que é a esencia desa historia, e que xunto coas outras dúas, constitúe unha “fórmula” para que as persoas sexan felices.

Tamén se destaca a grande utilidade do galego para facilitar a comunicación con máis de 280 millóns de falantes de portugués de todos os continentes (de Portugal, do Brasil, de Angola, de Mozambique de Timor Leste…)

Cada relato é tratado dun xeito diferente. Así pois, nun prima a palabra, noutro, as imaxes e noutro recupérase a arte das contadoras e contadores ambulantes das feiras de antano.
Outros contidos son:

  • a importancia da lectura
  • os rapaces consentidos polos pais,
  • o coidado das mascotas
  • o ritmo das estacións e o ciclo da vida,
  • o valor da música e da festa etc.

As cancións e os ditos tradicionais arroupan todo o espectáculo co fin de difundir a literatura popular infantil de Galicia.

Guión e dirección: María Campos e Carlos Yus.

Elenco:

  • Maximino: Carlos Yus
  • Hermelinda: María Campos
  • Deseño de escenografía: Migallas
  • Confección de escenografía: Migallas, María Paz, Begoña Paz e Elena Martínez
  • Títeres: Migallas
  • Vestiario: María Campos
  • Cancións tradicionais: Adaptadas por María Campos e Carlos Yus.
  • Duración: 1 hora.
  • Tempo de montaxe: 2 horas e 30 minutos.
  • Tempo de desmontaxe: 1 hora
  • Medidas do escenario:
    • Ancho: 5 m.
    • Altura ata o teito: 3,5 m
    • Fondo: 4 m
    • Potencia eléctrica: 5.000 W

Para continuar navegando debes aceptar a política de rastros (cookies) Máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close