Este sábado, a partir das 12:00h no salón de actos do Sexto Edificio do Museo de Pontevedra, con entrada libre, María Campos e Carlos Yus interpretarán varias cancións de “Canta connosco!” e proxectaranse algúns vídeos nos que colaboraron moitos nenos e nenas de Pontevedra, Vilaboa, Tomiño e Cotobade.
CANTA CONNOSCO! é o título dun disco publicado por Migallas Teatro en 1996; todo un acontecemento no panorama da música infantil en galego. 20 anos despois, KALANDRAKA recupera este traballo nunha edición especial con ilustracións do Premio Nacional Óscar Villán e con divertidos videoclips de Sr.Sagüillo.
